Почнува ликовната колонија „Скопје 2015“

Ликовни уметници од различни генерации од денеска до 30 овој месец во Скопје ќе творат во рамки на 10. меѓународна ликовна колонија „Скопје 2015“ што ја организира Музејот на Град Скопје со финансиска поддршка од Град Скопје. 

Колонијата ќе се одржи во хотелот „Солун“ кој се наоѓа во централното градско подрачје, а уметниците ќе имаат можност да се запознаат со богата разноликост од архитектура, културна историја и традиција.

Годинава на колонијата ќе учествуваат Ване Костуранов, Али Синани, Петра Јовановска, Стојче и Емилија Тоциновски и Петар Попчев од Македонија, Мариана Алассеур од Чешка, Фусун Чалајан од Турција, Малгорзата Јоана Каплан од Полска, Вацлав Малина од Чешка и Нејра Сабљица од Босна и Херцеговина.