Почна средбата Заев – Ахмети во Клубот на пратениците
Лидерите на СДСМ и на ДУИ, Зоран Заев и Али Ахмети во Клубот на пратениците ја почнаа средбата на која ќе се разговара за претстојните претседатели избори и можноста за настап со заеднички консензуален кандидат.
Заев е придружуван од Александар Кирацовски и Миле Зечевиќ, а Ахмети од Артан Груби и Атила Реџепи.
Пред средбата за Ахмети, Заев во изјава за медиумите на промоцијата на Научно-технолошкиот парк во Скопје, оцени дека начелно постои согласност за консензуален претседателски кандидат. Најави дека ќе разговара со лидерите и на другите коалициски партнери од албанскиот блок – со БЕСА на Африм Гаши, со Мендух Тачи од ДПА, како и со Зијадин Села од Алијанса на Албанците и БЕСА на Билал Касами.
Целта на разговорите, како што истакна, е да се види дали може сите да застанат зад заеднички кандидат кој е прифатлив за сите граѓани од секаква политичка, етничка и социјална припадност.
– Верувам дека тоа е изводливо. Ако го направиме тоа, уште еднаш го потврдуваме „едно општество за сите“ и праќаме сериозна порака за охрабрување кон граѓаните за нашата одговорност да се надминеме себеси и да застанеме зад личност за која однапред веруваме дека ќе биде одличен претседател на Република Северна Македонија, изјави Заев.
Али Ахмети, пак, вчера во интервју за РТК рече дека во ДУИ има волја да се постигне договор за консензуален кандидат за претседател со владините коалициски партнери, но оти тоа зависи од двете страни.
Против заеднички кандидат со ДУИ се Алијанса за Албанците и Беса на Билал Касами. Беса на Африм Гаши сé уште нема став, а ДПА ќе го поддржи само заедничкиот кандидат на власта.
Шестите претседателски избори беа распишани од претседателот на Собранието, Талат Џафери на 8 февруари. Првиот изборен круг е закажан за 21 април, а вториот ќе се одржи на 5 мај.
Ново на Сител
-
Кумановка измамена за 6.000 денари за набавка на огревни дрва
-
Во центарот на Куманово откриен мурал со ликот на Бобан Трајковски кој беше убиен пред 23 години кај Вејце
-
Приложил патна исправа на негов другар, Албанец уапсен на Табановце
-
Краделе велосипеди во Аеродром, приведени двајца крадци од Србија
-
Бајден за Трамп: Се натпреварувам против „шестгодишно дете“
-
Избоден млад кавадарчанец
-
Оштетиле повеќе предмети и украле пари, уапсени двајца кавадарчани
-
СПМ: Срамни се обидите на СДСМ да ги убедат граѓаните дека грешеле во првиот круг