Почна средбата на премиерот Ковачевски и министерката Тренчевска со здруженијата на пензионери
Во Клубот на пратеници почна средбата на премиерот Димитар Ковачевски и министерката за труд и социјална политика Јованка Тренчевска со претставници на здруженија на пензионери.
Пензионерите во изминатиот период протестираа барајќи линеарно зголемување на пензиите поради зголемените животни трошоци.
Министерката за труд и социјална политика во гостување на телевизија „Сител“ во средата изјави дека ова не е прифатливо решение бидејќи се доведува во прашање опстанокот на Фондот за пензиско и инвалидско осигурување.
- Кога зборуваме за линеарното зголемување, 336 илјади пензионери по неколку месеци може да не земат пензија. Овие средства сега не се од Буџетот на ПИОМ. Мора да ја држиме стабилноста на ПИОМ, рече Тренчевска, оценувајќи дека линеарното зголемување на пензиите би било популистичко мерка.
Со деветиот пакет антикризни мерки предвидени се и мерки за пензионерите со ниски примања. Во наредните пет месеци оние со пензија до 14 илјади денари ќе добиваат по 3.000 денари месечно, со пензија од 14 до 16 илјади денари по 2.000 денари месечно и оние со пензија од 16 до 19 илјади денари по 1.500 денари месечно. За таа намена се предвидени 35 милиони евра.
Ново на Сител
-
Песков: Русија ќе го разгледа предлогот за триесетдневен прекин на огнот во Украина
-
Фон дер Лајен, Макрон и Мерц: Построги санкции ако Русија одбие примирје
-
Индија и Пакистан потврдија за договорен прекин на огнот со посредство на САД
-
Одбележана 10 годишнина од настаните во Диво Насеље
-
Турчин во Скопје со капак од шахта удирал по глава свој сонародник, пробал да го убие
-
Вработена во основно училиште пријавила дека била нападната од ученик
-
Жената која беше пријавена за исчезната, пронајдена почината
-
Федерер за последниот натпревар: Му кажав работи на Ѓоковиќ кои го разнежнија