Почна новогодишното украсување на Куманово
Почна новогодишното украсување на централното градско подрачје во Куманово. Екипи на приватна компанија од Скопје денеска поставуваа новогодишни украси и светилки на главните сообраќајници, булеварите „Трета македонско-ударна бригада“ и „Октомвриска револуција“, улиците „Доне Божинов“, „Народна револуција“,„11 Октовмри“, централниот и плоштадот пред Центарот за култура.
- На градскиот плоштад е поставена елка и фонтана. Украсувањето ќе заврши наредните два дена, информира директорот на Јавното претпријатие „Куманово-Паркинг“ Фадиљ Шабани.
Годинава, како што информира, не е предвидено украсување на градскиот кеј, како минатата година, кога екипите на претпријатието самите го украсија кејот.
- Предвидено е да се постават лед светилки, светлосни мрежи, фигури во вид на топки и други украси. Оваа година изведувач на работата е „Линк медија плус“-Скопје. Вредноста на договорот е еден милион и 772 илјади денари, изјави Шабани.
Новогодишните украси ќе бидат поставени до средината на јануари 2017 година. Од претпријатието апелираат до кумановци совесно да се однесуваат кон поставената празнична декорација. И оваа година како и претходните нема да бидат украсени населбите во Куманово.
Ново на Сител
-
Сообраќајот непречено по наместа влажни коловози
-
Бернар Арно прв на листата на најбогати луѓе во светот, Маск на третото место
-
Драма во Кавадарци: 18-годишник нападнал полицајци кои се обидувале да приведат побегнат затвореник
-
Меси се запиша во историјата на МЛС лигата – Гол и пет асистенции
-
Австралиската полиција уби тинејџер поради напад кој укажува на тероризам
-
Одбележување на 5 Maj - Денот на македонскиот јазик
-
Православните верници го слават Велигден
-
ЦУК: Имаше пожар во Домот за стари лица во Банско