Почна изградбата на патот од Давидово до манастирот „Свети Илија“

Патот долг 767 метри од гевгелиското село Давидово до манастирот „Свети Илија“ по иницијатива на жителите од овој крај почна да се гради денеска со 10,7 милиони денари што ги обезбеди Агенцијата за финансиска поддршка на земјоделството и руралниот развој.

-Овој значаен проект на локалните жители и многубројните посетители ќе им овозможи полесен пристап до манастирот,што беше и нивна дамнешна желба, рече градоначалникот Сашо Поцков пред почетокот на градежните активности и најави дека до крајот на годината претстои акција за подобрување на патната инфраструктура во Општина Гевгелија.

-Наскоро очекуваме да почне ревитализацијата на патот Богородица-Стојаково до крстосницата кај бензинската пумпа „Шимов“, кој се финансира од истата Агенција но преку Југоисточниот плански регион, а со околу 900.000 евра што ни ги одобри Министерството за транспорт и врски од Програмата на Светската банка подготвуваме проекти кои ќе ги реализираме до крајот на годината во функција на подобрување на патната инфраструктура во општината,рече Поцков.