Почна исплатата на правата од социјална и детска заштита

Министерството за социјална политика, демографија и млади информира дека денеска почна исплатата на правата од социјална, детска и цивилна заштита за септември 2025 година.

Корисниците на парични права кои имаат дебитна картичка од денеска ќе можат да подигнат готовина на банкоматите и да ги користат средствата за безготовински плаќања во продажната мрежа или преку електронско и мобилно банкарство.

-За да се избегне метеж пред и во банките при исплата на правата, за корисниците кои не користат картички исплатата ќе се спроведе во две групи во сите отворени филијали и експозитури на банките, согласно утврдениот распоред по азбучен ред, според првата буква од презимето и тоа - на 06.10.2025: А, Б, В, Г, Д, Ѓ, Е, Ж, З, Ѕ, И, Ј, К, Л, Љ и на 07.10.2025: М, Н, Њ, О, П, Р С, Т, Ќ, У, Ф, Х, Ц, Ч, Џ, Ш, информира Министереството.

МИА