Почна дистрибуцијата на 650 канти за отпад во Свети Николе
Во oпштина Свети Николе почна дистрибуцијата на 650 нови канти за отпад за домаќинствата со што ќе се менува начинот на собирање отпад во градот.
Градоначалникот на Свети Николе, Зоран Тасев изјави дека по завршување на проектот, големите контејнери кои стојат на улиците и создават лоша слика и непријатна миризба, ќе се отстранат и ќе станат минато.
- Планот на проектот е да се поделат канти за отпад на секое домаќинство. Кантите ќе бидат дадени на реверс, односно ќе бидат во сопственост на ЈКП „Комуналец“ а граѓаните треба да ги чуват, одржуваат и користат. Екипите од комуналното претпријатие ќе го собираат отпадот од дворовите на граѓаните, во одредени денови, рече Тасев.
Директорот на ЈКП „Комуналец“–Свети Николе, Александар Давчев истакна дека првично се набавени 650 канти за отпад, а понатаму ќе се набавуваат нови канти со цел сите домаќинства да добијат канта за смет.
- Овој начин на собирање на отпад претставува основа за понатамошна селекција на отпадот уште во домаќинствата, што е многу важно за почист град, посочи Давчев.
Проектот „Канта за секое домаќинство“ што се реализира од страна на Општината и на ЈКП „Комуналец“-Свети Николе почна со диструбиција на кантите за отпад на улицата „Кумановска“.
Ново на Сител
-
Две лица намерно прегазиле и истепале жена во Тетово
-
19-годишник од Охрид приведен за кражба на мопед
-
Мисајловски и Агелер разговараа за претстојните билатерални консултации во областа на одбраната
-
Началникот на ГШ на Армијата Лафчиски на конференција на САД-Јадранската повелба во Тирана
-
Уставниот суд поведе постапка за „балансерот“
-
Судскиот совет одржа јавна расправа по барање за утврдување одговорност против судијата Лазар Нанев
-
Во „Синџир“ обвинети петнаесет лица вработени во УЈП
-
Адеми: Недозволиво е да се носат законски измени по примерот на Кривичен, без да се консултира судската фела