Почина легендарниот пилот на Формула-1, Стирлинг Мос

Сер Стирлинг Мос, човекот кој беше сметан за најдобриот Формула 1 возач кој никогаш не освои светска титула, почина на 90 години, откри неговата сопруга.

 

Мос беше болен подолго време, и неговата сопруга откри дека тој починал мирно во својот кревет во домот во Мејфер утрото на Велигден.

 

„Тој почина како што живееше, изгледајќи прекрасно. На крајот едноставно беше уморен и ги затвори своите убави очи и тоа беше тоа“, изјави неговата сопруга.

 

Славата на Мос беше созадена во деновите по Втората светска војна, воодушевувајќи со својот стил и со своите способности, победувајќи во 212 од 529 трки во најразлични серии. Тој „неславно“ не стана светски шампион, најмногу поради тоа што преферираше да вози британски болиди и беше жртва на некои неспортски потези на ривалите. Од 1995 до 1961 година, тој четири пати беше на второто место во генерален пласман и трипати беше третопласиран.