Почина Костадинка Велковска

Големата хрватска театарска, телевизиска и филмска актерка со македонско потекло Костадинка Велковска почина во неделата на 76-годишна возраст.
Угледната актерка почина во неделата во пензионерски дом. Простувањето ќе биде во четврток, 14 март 2024 година во 14 часот во крематориумот на Мирогој, потврдија за Индекс.хр.
Тешкиот мозочен удар бил кобен за актерката во јули минатата година, од кој не успеала целосно да се опорави. Во тоа време била на интензивна нега во КБЦ Загреб.
Костадинка беше хрватска театарска, телевизиска и филмска актерка со македонско потекло, а пееше и шансони на хрватски, македонски, француски, германски и италијански јазик, а зад себе има богата кариера. Глумеше во сериите „Забранета љубов“, „Засекогаш соседи“, „Нашата мала клиника“, „Не се откажувај, Нина“, „Дар Мар“, „Битанги и принцези“… Имаше улоги и во филмовите „Процесот на бомбардирање“, „Браво маестро“, „Последниот подвиг на саботерот Облак“, „Јазол“, „Духот на баба Илонка“ и многу други.
Нејзината прва телевизиска улога беше во серијата „Неосвоен град“, ТВ Загреб од 1982 година, а последна улога беше Розалија Црнчевиќ од серијата Дар мар од 2021 година.
Во приватниот живот ја следеа големи трагедии и загуби. Нејзината сестра, која исто така живеела во Загреб, починала на 21-годишна возраст во несреќа. Се мажела четири пати, но никогаш не ја изгубила вербата во љубовта.
Ново на Сител
-

Србинот Дејан Мијатовиќ нов тренер на МЗТ Скопје
-

Мицкоски од Берлин: Македонија активно учествува во разговорите за глобалната безбедност и предизвиците во светот
-

Сиљановска-Давкова ги прими акредитивите од новоименуваниот амбасадор на Кралството Саудиска Арабија Ибрахим Ал-Мади
-

Директорот на Мајкрософт: Вештачката интелегенција би можела да предизвика бројни проблеми
-

Ристески: Клучен приоритет на Владата е да ги задржи младите во државата
-

Николоски - Варнс: Потврдена посветеноста на стратешкото партнерство со САД и унапредувањето на билатералната соработка
-

Полицијата во Белгија со помош на „ГТА 6“ ги предупредува младите: Играта не е вистински живот
-

Мицкоски: Ја потврдивме поддршката за постигнување праведен и траен мир преку дијалог, дипломатија и координација
