Почина Глен Фреј, соосновач и член на групата Иглс

Американскиот гитарист, соосновач и член на една од најпознатите рок група во САД Иглс (Eagles), почина вчера на 67-годишна возраст во Њујорк. Ова го соопшти денеска групата на својот Фејсбук, пренесува ТАСС.

- Со горчина соопштуваме дека нашиот пријател, основач на групата Иглс Глен Фреј, почина во Њујорк на 18 јануари, се наведува во пораката.

Музичарите изјавија дека Фреј подолго време се борел со тешки здравствени проблеми, но во последните денови неговата состојба нагло се влошила.