Почина човекот кој прв призна корупција во ФИФА

Поранешниот челник на Фудбалскиот сојуз на САД, Чак Блејзер, по чие сведочење беше разоткриена корупцијата во ФИФА, почина на 72-годишна возраст.

 

Чак Блејзер пред судот во ноември 2013 година ја призна вината за примање поткуп, перење пари и даночно затајување, а потоа се согласил да помогне во истрагата која откри низа корупциски скандали во ФИФА.

 

Неговите информации помогнаа да бидат подигнати обвиненија против 14 поранешни челници на ФИФА и придонесоа да биде сменет тогашниот претседател Сеп Блатер.

 

Блејзер во минатото бил генерален секретар на КОНКАКАФ (Федерација на Северна и Централна Америка и Карибите) и член на Извршниот комитет на ФИФА.

 

Полицијата го уапси Блејзер на Менхетен, во Њујорк во 2011 година, а потоа тој се согласи да соработува со правосудните органи. Тој во периодот од 1996 до 2011 година на име на провизии и други исплати стекнал 20,6 милиони долари.

 

ФИФА на 9 јули 2015 година му изрече доживотна суспензија од фудбалот.