По повеќе од осум часа заврши распитот на Ахмети пред Специјалниот суд за Косово
Испитувањето на претседателот на Демократската унија за интеграција (ДУИ) Али Ахмети од страна на истражителите на Специјалното обвинителство за воени злосторства во Косово, кое се одржа во просториите на мисијата на ЕУ – ЕУЛЕКС во косовскиот главен град, заврши попладнево, по повеќе од осум часа од неговото појавување таму утрово околу 9:30 часот, јави дописникот на МИА од Приштина.
Околу 18 часот Ахмети е забележан како го напушта седиштето на меѓународната правна мисија во Косово, при што не даде никаква изјава за медиумите.
Според косовските и другите медиуми на албански јазик, но и според самиот Ахмети, тој е повикан на распит во својство на сведок, како еден од членовите на Ослободителната војска на Косово (ОВК) уште од нејзиното основање и активен учесник во косовската војна во 1998-99 година.
Иако засега нема официјални информации ниту од лидерот на ДУИ, ниту пак од Меѓународниот трибунал, според досегашните практики на Специјалното обвинителство, може да се очекува распитот да продолжи и во текот на утрешниот ден.
Меѓу последните обвинети се и двајца од основачите и водачите на ОВК, претседателот на Косово Хашим Тачи и лидерот на Демократската партија на Косово и доскорешен собраниски спикер, Кадри Весели.
Истрагите, како што е најавено, се сконцентрирани на претпоставени злосторства во периодот од јануари 1998 до декември 2000 година.
Ново на Сител
-
ВО ЖИВО: Мицкоски во Брисел на средба со Фон дер Лајен и Мишел
-
Борисов бара оставка од Николовски или крај на разговорите со Македонија
-
Албанските партии нема да седат мирни по укинувањето на балансерот, се најавуваат закони за правична застапеност
-
Пациент почина на Инфективна поради компликации од западно-нилска треска
-
Дефицитот од докторски кадар во ЈЗУ ќе се надоместува со приватни специјализанти
-
СДСМ: Тошковски го ослободил бодигардот на Мицкоски кој тепаше полицаец
-
ВМРО-ДПМНЕ: Николовски потрошил близу 1 милион денари во ресторани
-
Невладините бараат измени на Законот за младински политики