По 51 година дешифрирана порака на познатиот сериски убиец Зодијак
Група експерти од САД, Австралија и Белгија дешифрираа една од пораките на серискиот убиец Зодијак, испратена до американскиот весник „Сан Франциско хроника“ во ноември 1969 година, објави веб-страницата на публикацијата.
Пораката наречена „Код 340“ според бројот на карактери во оригиналната порака, ја прочитаа американскиот развивач на софтвер Дејвид Оранчак, белгискиот програмер Јарл ван Еике и австралискиот математичар Сем Блејк, јави БТА.
“Се надевам дека добро си поминуваш обидувајќи се да ме фатиш. ТВ-шоуто што зборуваше за мене не бев јас. Не се плашам од комората за гас, бидејќи со нејзина помош ќе бидам порано во рајот. Сега имам доволно робови да работат за мене. Додека другите нема да имаат ништо кога одат во рајот и се плашат од смрт. Не се плашам затоа што знам дека мојот нов живот ќе биде лесен по мојата небесна смрт “, гласи прочитаниот текст.
Не го открива името на криминалецот.
ФБИ во Сан Франциско на својата страница на Твитер забележа дека истрагата за случајот Зодијак продолжува. Офицерите соопштија дека биле свесни за дешифрирање на криптограмот на серискиот убиец, но поради тековната истрага и сеќавањето на убиените, бирото ќе се воздржи од коментар.
„Код 340“ е вториот криптограм на Зодијакот, кој беше успешно прочитан. Првиот, со кодот 408, беше дешифриран од наставник во калифорнискиот град Салинас и неговата сопруга. Во него, криминалецот објаснил дека сакал да убива затоа што било забавно.
Зодијакот е псевдоним на серискиот убиец од Калифорнија во 60-тите години на минатиот век. Идентитетот на манијакот сè уште не е утврден. Тој им пишувал на полицијата и во весниците, фалејќи се за своите злосторства.Полицијата поврзала 5 смртни случаи со криминалецот, иако самиот Зодијак тврди дека извршил 37 убиства.
Ново на Сител
-
Нетанјаху ја распушти воената влада
-
Приведен криумчар на мигранти
-
ЈП „Комунална хигиена“: Масовно непрописно исфрлање отпад во близина на контејнерите во Скопје
-
Активен пожар во Негорци, регистрирани 15 пожари на отворено во изминатото деноноќие
-
198 санкционирани возачи во текот на изминатиот викенд на подрачје на СВР Битола, 84 за брзо возење
-
Тешко повредено едно лице, откако возило излетало на железничка пруга
-
Англија со победа го започна ЕП – Белингем и пресуди на Србија
-
Комплетиран предлог составот на новата влада, гласањето најавено за 22 и 23 јуни