Пленковиќ: Настојуваме да ги решиме спорните прашања со соседите

Премиерот на Хрватска Андреј Пленковиќ изјави дека ќе настојува неговата влада да реши прашања што ги отежнуваат односите со соседите.

– Ќе настојуваме да бидеме влада која ќе реши бројни прашања што ги отежнуваат нашите односи со соседите, но ќе ги решаваме интелегентно, смирено настојувајќи да се потпреме на сите политички и дипломатски средства кои ги имаме, цврсто штитејќи ги интересите на Хрватска, изјави Пленковиќ.

– Тоа се донесува и на Србија, додаде Пленковиќ кој потенцираше дека во петокот во Давос се сретнал со премиерот на Србија Александар Вучиќ.

– Водиме одговорна политика и тоа ќе го продолжиме. Исто е и во односите со другите соседи, нам пријателски членки на ЕУ, Унгарија, Словенија и Италија, рече Пленковиќ.

Хрватскиот премиер оцени дека европските и светски официјални лица препознаваат дека хрватската политика е насочена кон мирно решавање на отворени прашања со сите соседи.

– Тоа по наше длабоко уверување е најдобро за БиХ и за Црна Гора каде имавме прилична нестабилност и за Македонија и за Косово и за Албанија и за Србија. Се се тоа држави кои гледаат на Хрватска, на нашето искуство и нашиот модел, изјави хрватскито премиер.