Пламен Николов го зема мандатот за состав на нова Влада во Бугарија
Пратеникот Пламен Николов е кандидат за премиер на „Има таков народ“. Тој доби мандат за формирање влада од бугарскиот претседател Румен Радев.
Номинацијата се чуваше во тајност до крајот.
Претседателот на пратеничката група на Има таков народ Тошко Јорданов и пратениците Филип Станев, Ивајло Валчев, Станислав Балабанов и Пламен Николов влегоа во претседателството на Бугарија за партијата Има таков народ да добие мандат да ја формира нова влада на земјата.
– Како резултат на изборите на 11 јули оваа година, имате одговорност да го добиете првиот мандат. Луѓето гласаа за вас со очекување да го консолидирате фронтот на промени против неуспешниот корупциски модел на власт. Време е да сфатите како и со кого. Бугарите ги очекуваат вашите предлози за кабинет во рокот утврден со Уставот, рече претседателот на Бугарија Румен Радев при предавањето на мандатот.
Претставниците на Има таков народ ги пречека протест на Народното движење за смена на системот.
Како што јави дописникот на МИА од Софија, освен што е член на 46. Народно собрание, Пламен Николов има докторат по филозофија на право, политика и економија. Дипломирал на Софискиот универзитет „Св. Климент Охридски“.
Тој има над 15 години искуство во развој на деловна активност и управување со проекти. Работел со големи клиенти како Амазон, Вигл, Интерспорт, Спортона и пливачки федерации.
Ново на Сител
-
ОЈО поведе истрага за пожарот во Трубарево
-
Муцунски во посета на САД, средба со конгресмени и сенатори
-
Протест со повик „Ниту една повеќе“
-
Тема на денот со Сузана Јошевска Анастасовска, адвокатка
-
Две години затвор за Лидија Димова, треба да врати над 350.000 евра на Националната агенција за европски образовни програми
-
Трубарево и Дрисла под контрола - учениците во четирите училиште в понеделник се враќаат на настава
-
Политички реакции за фемицидот во Велес
-
Стартуваа обуките за јавната администрација - премиерот најави департизација на јавниот сектор