Пјонгјанг фрли еден милион пропагандни летоци над Јужна Кореја
Северна Кореја фрли околу еден милион пропагандни летоци над Јужна Кореја со помош на балон, соопштија денеска јужнокорејските власти.
Во соопштението на Министерството за одбрана на Јужна Кореја се наведува дека војската на Северна Кореја секојдневно испраќа балони во мисија за фрлање летоци.
Портпаролот на јужнокорејското Министерство за одбрана Ким Мин-сеок наведува дека покрај пограничните подрачја, летоците стигнале дури до Сеул.
Официјален Пјонгјанг во последните години ретко фрлаше летоци над Јужна Кореја откако двете Кореи официјално прекинаа со „психолошката војна“ како дел од мерката за намалување на тензиите договорени во 2004 година. Но и покрај тоа јужнокорејските активисти повремено испраќаа балони, што предизвика остра реакција на Пјонгјанг.
Тензиите меѓу Северна и Јужна Кореа се зголемија откако Пјонгјанг на 6. јануари објави дека извршил проба на хидрогенска бомба, а Сеул повторно покрена емитување на пропагандни пораки преку огромните звучници на границата на двете земји.
Северна Кореја одговори со емитување на сопствени пораки преку звучниците и со испраќање на балони со летоци кои содржат антијужнокорејска пропаганда.
Ново на Сител
-
Приведен жител од скопско кој силувал деветгодишно девојче
-
Осуденик за „убиство“ усмртил осуденик за „семејно насилство“ при тепачка во психијатриската болница во Бардовци
-
69-годишник тешко повреден откако бил прегазен со мотоцикл во Тетово
-
Русија ги обвини САД за нелегален трговски притисок врз Индија
-
Возач од Македонски Брод возел со 2,39 промили алкохол во крвта
-
Нестабилно со дожд и грмежи, следните три дена пораст на дневната температура
-
Спречен шверц на цигари во вредност од скоро 4.000 евра - пет лица добиле кривични пријави | ФОТО
-
Нејмар подготвен за враќање ви репрезентацијата на Бразил