Пјетро Паролин ја посети Гевгелија
Државниот секретар на Ватикан, кардиналот Пјетро Паролин, во придружба на апостолскиот егзарх во Македонија, бискупот Киро Стојанов, денеска неколку часа престојуваше во Гевгелија.
Високодостојникот од Ватикан прво ја посети парохиската црква „Свети Петар и Павле“ во Гевгелија каде оствари средба и разговор со католичките сестри и присутните верници, а потоа беше во посета и на Привремениот транзитен центар за мигранти во Гевгелија.
Со состојбата во бегалскиот камп каде моментно престојуваат педесетина мигранти, кардиналот Паролин го запознаа техничкиот министер за внатрешни работи Митко Чавков и раководителот на кампот Зоран Лазаровски.
Кардиналот Пјетро Паролин се сретна и поразговара и со активистите на невладините организации кои помагаат во справувањето со бегалската криза, како и со затекнатите мигранти во кампот. Најдолго разговараше со мајката и ожалостеното семејтвото на двете сестри од Авганистан кои неодамна се удавија во Сува река при обидот нелегално да ја поминат грчко-македонската граница кај гевгелиското ело Моин.
Ново на Сител
-
Трипл-дабл на Леброн Џејмс во победата на Лејкерс над Сакраменто
-
Пронајдена дрога во Битола
-
Светска програма за храна: Во светот 733 милиони луѓе се соочуваат со глад
-
Флик издвои еден играч по победата над Реал
-
Колективна оставка од Комисијата за помилување
-
Грузиската опозиција не ги прифаќа изборните резултати, најави улични протести
-
Владејачката партија во Грузија прогласи победа на парламентарните избори
-
Предвремени парламентарни избори во Бугарија