Пјастри победи на трката за ГН на Унгарија и ја забележа првата победа во Формула 1
Оскар Пјастри ја забележа првата победа во Формула 1 откако Австралиецот триумфираше на трката за ГН на Унгарија.
Дваесет и три годишниот возач на Мекларен стартуваше втор, но веќе на стартот се справи со својот тимски колега Ландо Норис и излезе на чело на колоната. На крајот од трката, со Норис во водство, од боксот дојде наредбата да го намали гасот и да го пушти Пјастри прв да излезе, што и го направи, за Оскар да го постигне својот историски успех.
Неговиот тимски колега Ландо Норис заврши на второто место.
Место на подиумот најде и 39-годишниот Луис Хамилтон со Мерцедес, кој влезе во жестока битка со актуелниот светски шампион Макс Верстапен. Двајцата за влакно пропуштија брутален судир на седум круга до крајот, но за среќа можеа да продолжат и успешно да завршат, чекајќи ја одлуката на стјуардите за евентуална казна.
Шарл Леклер заврши на четвртото место, а светскиот шампион Верстапен беше петти. Топ 6 го комплетираше вториот возач на Ферари - Шпанецот Карлос Саинц Јуниор.
Во поредокот кај возачите води Верстапен со 265 бодови. На второто место со 189 поени е Норис, а трет е Шарл Леклер со 164 поени. Следува Саинц со 154 бодови, а петти е Пиастри со 149 бодови.
Водечката шесторка ја затвора Хамилтон со 125 бодови.
Ново на Сител
-
Променливо облачно со слаб до умерен ветер, попладне се очекува пороен дожд проследен со грмежи
-
Пожарот во Националниот парк Дрина се шири и се приближува до куќи
-
Со возило на авто-школа удрен па истепан малолетник, а потоа нападната и неговата мајка
-
Воздухопловен ВИНГ - 32 години во служба на државата и гарант за воздушната независност
-
Мицкоски: Исправени пред нова борба, еднакво значајна како создавањето на татковината
-
Локалните власти прогласија вонредна состојба поради пожарите кај Сребреница
-
Почна свечената академија по повод Денот на независноста - 8 Септември
-
Либија: Уапсен командант на милиција по убиството на криумчар на луѓе