Петрески и Кацаров на книжевен фестивал посветен на Дунав

Писателите Христо Петрески и Трајче Кацаров ќе учествуваат на Меѓународен книжевен фестивал посветен на реката Дунав, кој од денеска до 27 јуни ќе се одржува во Братислава.

Тие ќе бидат гости на Сојузот на писателите на Словачка. Ќе се претстават со свои текстови за Дунав во книжевноста и ќе настапат со  свои песни посветени на реката. 

Во рамки на фестивалот се планирани научен симпозиум и повеќе литературни настапи посветени на Дунав, а е предвидено објавување  антологија со сите литературни творби на оваа тема.