Пет лица меѓу кои двајца малолетници тешко повредени откако со автомобил излетале од патот Штип - Радовиш

Вчера во 18.35 часот на магистралниот пат Штип – Радовиш, патничко возило „форд мондео“, со штипски регистарски ознаки, управувано од С.А.(40) од Германија, со место на живеење во Кочани, излетало од коловозот, информираа од МВР.

По незгодата возачот и сопатниците биле пренесени во Клиничка болница Штип, каде на возачот и двајца малолетни сопатници, од кои едниот од Германија, а другиот од Кочани, им биле констатирани тешки телесни повреди, а кај сопатниците С.А.(19) и С.А.(19), и двајцата од Кочани биле констатирани телесни повреди.

Увид на местото на незгодата извршила увидна екипа од СВР Штип.