Песков: Договорот за прекин на војната со Украина не е можно брзо да се постигне
Постигнувањето договор за прекин на војната меѓу Русија и Украина е премногу сложена постапка за да се случи брзо, изјави денеска портпаролот на Кремљ, Дмитриј Песков, коментирајќи ги фрустрациите на САД поради бавниот напредок во преговорите за воспоставување мир во Украина.
-Свесни сме дека Вашингтон сака да постигне брз напредок, но се надеваме на разбирање дека решавањето на украинската криза е премногу сложено за да се постигне брзо. Постојат многу детали и голем број нијанси што треба да се решат пред да се постигне договор, рече Песков на прес-конференција.
Во меѓувреме, најмалку 45 цивили беа повредени во текот на ноќта во руски напад со дронови врз Харков. Обединетите нации објавија дека бројот на жртви во Украина се зголемил во последните недели, дури и додека Вашингтон посредува во мировен договор.
Рускиот претседател Владимир Путин ги поддржува повиците за прекин на огнот пред мировните преговори, „но пред тоа да се направи, треба да се одговорат неколку прашања и да се решат неколку нијанси“, рече Песков.
Путин, исто така, е подготвен за директни разговори со Украина без предуслови со цел да се постигне мировен договор, додаде тој.
Ново на Сител
-
71-годишен кумановец загина во сообраќајка при судар со товарно возило
-
Кривична пријава против две лица од Велешта кои му се заканувале на пратеник од Струга
-
ЦУК: 15 пожари на отворен простор, девет активни и шест под контрола
-
Од ноќеска нестабилно со пороен дожд и грмежи и услови за краткотрајно невреме, особено во четврток
-
Митевски: Најдоцна до крајот на септември зонско паркирање во Ново Лисиче и Реонски центар
-
Поевтинуваат бензините и дизелот
-
Повторно поставен споменикот на Андон Лазов-Ќосето
-
Изминатиов викенд 1148 сообраќајни прекршоци на територија на цела држава, 458 за брзо возење