Песков: Будимпешта е избрана за место на самитот Путин - Трамп бидејќи Орбан е близок со двајцата лидери
Kремљ денеска соопшти дека Будимпешта е избрана за место за средба меѓу рускиот и американскиот претседател Владимир Путин и Доналд Трамп бидејќи унгарскиот премиер Виктор Орбан има добри односи со двајцата лидери.
Портпаролот на Кремљ, Дмитриј Песков, им изјави на новинарите: „Виктор Орбан има доста топли односи со претседателот Доналд Трамп и многу конструктивни односи со претседателот Владимир Путин“.
„И тоа, секако, многу придонесе за разбирањето што беше постигнато за време на последниот телефонски повик“, додаде тој, осврнувајќи се на разговорот од минатата недела меѓу Трамп и Путин што резултираше со нивниот договор за средба во Будимпешта.
Конзервативецот Орбан постојано ја критикуваше западната поддршка за Украина, која граничи со Унгарија. Претходно годинава тој рече дека Русија веќе ја добила војната во Украина.
Некои европски влади кои ја поддржуваат Украина рекоа дека е несоодветно да се биде домаќин на Путин на самит во земја-членка на ЕУ. Шефицата за надворешна политика на ЕУ, Каја Калас, исто така, денеска изјави дека тоа не е соодветно.
Песков рече дека работата на самитот, што би бил насочен кон напредок во решавањето на конфликтот во Украина и развојот на односите меѓу Русија и САД, штотуку започнува.
МИА
Ново на Сител
-
Шведска може на Украина да и продаде помеѓу 100 и 150 борбени авиони „Грипен“
-
Вонредна есенска дератизација на територија на Општина Центар
-
Под истрага 12 лица осомничени за лихварство и перење пари
-
Нетанјаху: Израел не е протекторат на САД
-
Вардар четвртфиналист во фудбалскиот Куп на Македонија
-
Мицкоски: Потпишавме Меморандум за разбирање со „Бурсток“, која ќе инвестира во наменската воена индустрија во Македонија до 150 милиони долари
-
Координативна средба на Ѓорѓиевски со советничките групи од коалицијата – во фокус на разговорот биле првите чекори по преземањето на градот
-
ЕП усвои резолуција за Србија