Песков: Божиќното обраќање на Зеленски беше нецивилизирано и полно горчина

Портпаролот на Кремљ, Дмитриј Песков, денеска изјави дека Божиќното обраќање на украинскиот претседател Володимир Зеленски беше „нецивилизирано и полно горчина“, што, како што рече, сугерира дека тој е „ментално нестабилна личност“.

„Видовме извештај за навистина бизарното божиќно обраќање на Зеленски. Тоа е некултурно, огорчено и звучи како донекаде нестабилна личност“, изјави Песков за руските медиуми.

Тој додаде дека Кремљ ја доведува во прашање способноста на Зеленски да донесува соодветни одлуки за политичко и дипломатско решение на конфликтот во Украина.

Во божиќното видео, Зеленски некому му посака  „да пропадне“, наведувајќи дека тоа ќе биде божиќна желба на сите Украинци, но не прецизираше до кого е упатена желбата.

Во јули 2023 година, Зеленски потпиша закон со кој се наведува дека Божиќ во Украина официјално ќе се слави на 25 декември според јулијанскиот календар.