Пентагон: Американските и руските пилоти имаа триминутен тест на безбедносните протоколи
Пентагон соопшти дека денешното заедничко дејствување меѓу американските и руските авиони над Сирија не е воена вежба туку триминутен тест на неодамна договорените протоколи за безбедност.
Претходно, началникот на Главната оперативна управа на рускиот Генералштаб, генерал-полковник Андреј Картаполов изјави дека руски и американски воени пилоти имаа воена вежба над Сирија, во која учествуваа пилотите од Центарот за стратешки воздушни операции на американската армија во Катар и од Командниот центар на руската авијација на руската авиобаза Хмејмим во Сирија.
- Екипажите на авионите на руското военовоздухопловство и на меѓународната коалиција летаа на минимално безопасно растојание од околу 5,5 километри во специјални избрана зона, договорија меѓусебна комуникација, како и размена на информации за параметрите на летовите на руски и на англиски јазик, наведе Картаполов.
Тој додаде и дека е договорена директна врска меѓу командните центри.
САД и Русија минатиот месец договорија мерки за безбедност со цел да се избегнат судири над Сирија за време на паралелните воздушни кампањи.
Ново на Сител
-
Вреди: Не треба да се отвораат старите рани
-
Победа над Фарски Острови - македонските ракометари се пласираа на Светско
-
Пендаровски се заблагодари на граѓаните за укажаната доверба
-
ЦУК: Спасени две лица кои со „квадрицикл“ излетале во провалија на Шара
-
Приштина: Притвор од 30 дена за државјанин на Србија вмешан во ланските немири во северно Косово
-
ЕУ потсетува на важноста од целосно почитување на Договорот од Преспа
-
Мишел и Фон дер Лајен со честитки во Сиљановска Давкова: Очекуваме соработка на европскиот пат на земјата
-
Алексеј Навални постхумно ќе ја добие наградата за мир во Дрезден