Пенс со порака до сојузниците во Источна Европа: САД е со вас
За време на посетата на потпретседателот на САД Мајк Пенс на 2 август, во Подгорица се очекува целосно запирање на сообраќајот на трасите каде тој ќе се движи, а најавено е и дека воздухопловниот сообраќај ќе биде затворен на неколку часа, кога тој ќе слета во Подгорица.
Инаку Пенс, синоќа стаса во Талин, а денеска ќе има средби со претседателите на Летонија, Литванија и Естонија. Од таму, заминува во посета на Грузија, а задутре ќе пристигне во Подгорица.
Пенс, синоќа пред новинарите изјави дека во Европа го праќа претседателот Доналд Трамп со „многу едноставна порака“. - Тоа е дека Америка на прво место, не значи Америка сама. Нашата порака до балтичките земји, а и мојата порака кога ќе ги посетам Грузија и Црна Гора, ќе биде иста за нашите сојузни овде во Источна Европа - Ние сме со вас, истакна Пенс за Фокс њуз.
На 2 август во Подгорица ќе се одржи средба на потпретседателот на САД со високи претставници на земјите членки и на земјите набљудувачи, членки на Јадранската повелба, чиј претседавач оваа година е Република Македонија.
Република Македонија заедно со Црна Гора е и кодомаќин на овој значаен настан.
Македонија, заедно со Албанија, Хрватска, Црна Гора и Босна и Херцеговина е членка на Јадранската повелба, а Србија, Косово и Словенија имаат статус на земји набљудувачи во групата.
Групата Јадранска повелба е формирана под покровителство на САД во 2003 година и има за цел да ги координира активностите за поддршка на земјите аспиранти за членство во НАТО.
Инаку, РТЦГ соопшти дека Пенс, неговата сопруга Карен и американската делегација најверојатно ќе бидат сместени во хотелот Хилтон, а разговорите со претседателот и премиерот на Црна Гора Филип Вујановиќ и Душко Марковиќ ќе се одвиваат во Вила Горица. За тоа време, Карен ќе замине во посета на фарма за мед и на Скадарското Езеро.
Ново на Сител
-
Мицкоски: Не смееме да дозволиме градоначалници да станат локални владетели, ниту пак статисти во процесите
-
Во Скопје денеска посебен режим на сообраќај поради протест
-
ДУИ ја почитува одлуката на Стејт Департментот
-
Вучиќ: Не сум Асад, нема да бегам
-
Васко Ковачевски недостапен за полицијата, во септември ја напуштил државата
-
Македонец почина на зимување во Банско
-
Зијадин Села до Груби: Повлечи се од политиката и соочи се со обвиненијата
-
Груби: Од медиумите дознав дека сум ставен на црна листа на САД