Пендаровски присуствуваше на одбележувањето на државниот празник Денот на Републиката во Крушево
Претседателот Стево Пендаровски, денеска чествуваше на манифестацијата во Крушево, по повод 2 Август, Илинден – Денот на Република Крушево. Пендаровски ја посети црквата „Св. Никола“ на панихидата за загинатите Илинденци и положи цвеќе на вечното почивалиште на првиот претседател на Крушевската Република, Никола Карев во споменикот „Македониум“ на Гумење.
Пред споменичниот комплекс беше одржан музичко-сценски настап со изведба на нумери од репертоарот на воениот оркестар на Армијата, како и изведба на воено-акробатска вежба Егзирцир од страна на припадниците на баталјонот за почести.
Претседателот положи цвеќе и пред споменикот на паднатите борци на Слива, симболот на самопожртвуваноста на македонските востаници во одбраната на Крушевската Република.
Со почеток во 18:00 часот, попладнево претседателот ќе присуствува на централната свеченост по повод 2 август – Денот на Републиката.
Ново на Сител
-
Мицкоски: Скандалозно е вицепремиер да бара од компании да гласаат за СДСМ бидејќи добиле државна помош
-
Кошаркарот од Ѓорче кој ветува промени | Владо Мисајловски | Неформално | Sitel Podcast 033
-
Се дистрибуира доверливиот избирачки материјал од битолската печатница до општинските изборни комисии
-
Ограбена спортска обложувалница на Бит Пазар
-
Повеќе од 30 украински медиумски работници се наоѓаат во руско заробеништво
-
Приведени две лица во Куманово - еден за употреба, друг за продавање дрога
-
Сопружници завршиле во притвор поради меѓусебна пресметка
-
Благодатниот оган се спушти во храмот над Светиот гроб во Ерусалим