Пендаровски: Грција нема да го прекрши Договорот

Националниот координатор за НАТО Стево Пендаровски смета дека Грција нема да го прекрши договорот за спорот со името и оти ќе се придржува до него.

Договорот, како што рече Пендаровски во интервјуто за ТВ Канал 5, води сметка и за нивните национални интереси, но напомена дека спорот од самиот почеток бил асиметричен и оти се барало промена на нашето име.

Пендаровски нагласи дека нашата историја не не учела дека во Грција има луѓе кои себеси се сметаат за Македонци, а не се оние кои го зборуваат македонскиот јазик.

- Нашата историја не не учеше дека во Грција има Македонци, различни од оние кои го зборуваат македонскиот јазик. Мора да го почитуваме тоа ако некој се смета себеси за Македонец. Оваа држава е мултиетничка. Државните институции во една ваква Македонија не може да бидат етницирани, рече Пендаровски.