Пеколна ноќ на Сардинија: Пожарот голта сѐ пред себе, стравуваме од најлошото | ВИДЕО
За пеколна ноќ известуваат италијанските медиуми во врска со големиот пожар што синоќа зафати неколку места на островот Сардинија, во близина на местото Сасари.
Според Анса, илјадници луѓе, локални жители и туристи, веќе се евакуирани.
Во областите погодени од пожарот, небото е покриено со пепел, а воздухот е полн со чад.
Огнената стихија веќе уништи хектари шума и вегетација и опасно се приближува до населените места.
– Трагичен ден за нашиот остров. Две жаришта се уште се активни, известува локалната противпожарна агенција „Форестас“.
Градоначалникот на Ористанезе, една од општините погодени од пожарот, Салваторе Корис, на својот Фејсбук профил, заедно со слики од огромниот пожар, напиша: „Катастрофа, и сѐ уште не е завршена, се плашиме од најлошото”.
Деновиве има многу високи температури на Сардинија, над 35 степени, но сѐ уште не е јасно дали пожарот е последица на високите температури, небрежност или е подметнат.
Ново на Сител
-
ЦУК: Активни четири пожари, 15 изгаснати, еден ставен под контрола
-
Во Норвешка, речиси секој нов автомобил е електричен
-
Татко ми ме учеше на македонштина | Дамјан Стојановски | ПРОфесија | Sitel Podcast 104
-
Влада: Ќе се основа Мултифункционален научно-технолошки парк
-
Германската царина откри 1.500 тарантули криумчарени во колачи
-
Јавниот повик за прием на 400 пожарникари завршува во четврток, најдобрите ќе бидат дел од новата специјална единица на ДЗС
-
ЦУК: Активни шест пожари, изгаснати три
-
Алкалоид против Хановер во баражот за групната фаза во Лига Европа