Пекинг: Самитот меѓу Јужна и Северна Кореја е историски чекор кон мирот

 Кина го поздрави денешниот самитот меѓу Јужна Кореја и Северна Кореја, оценувајќи дека тоа е „историски чекор“ кон мирот.

Портпаролката на кинеското Министерство за надворешни рабори, Хуа Чунјинг истакна дека на средбата на Мун Џае-ин и Ким Џонг-ун ќе биде постигнат „позитивен резултат“.

Таа додаде дека Кина со радост го очекуваше самитот како можност за понатамошни чекори на „новото патување кон долгорочен мир и стабилност на (Корејскиот) Полуостров, посочи Хуа.

Претходно, шефот на британската дипломатија Борис Џонсон го поздрави самитот на Јужна и Северна Кореја, но истакна дека не очекува многу.

- Многу сум охрабрен од тоа што се случува. Но, секој што ја следи историјата на плановите на Северна Кореја за развој на нуклеарното оружје сака да биде премногу оптимист во овој момент. Но, јасно е дека средбата на двајцата лидери е добра вест, истакна Џонсон во седиштето на НАТО.  

Претходно, Белата куќа соопшти дека се надева оти на денешната средба меѓу јужнокорејскиот претседател Мун Џае-ин со севернокорејскиот лидер Ким Џонг-ун ќе биде постигнат напредок за постигнување на мир и просперитет.

Во соопштението на Белата куќа се посочува дека американскиот претседател Доналд Трамп со радост го очекува продолжението на разговорите со Јужна Кореја, како дел од подготовките за планираната негова средба со Ким Џонг-ун, која треба да се одржи на крајот од мај или на почетокот од јуни.