Патиките на Дончиќ продадени за 30.000 евра

Патиките на словенечкиот кошаркар Лука Дончиќ, кои ги носеше во финалето со Србија на Европското првенство во Истанбул, се продадени за 30.000 евра. 

Парите се наменети за помош на перспективни спортисти од сиромашни семејства.

- Кошаркарот на мадридски Реал им помогна на младите кошаркари кои живеат во тешки материјални услови во Словенија, соопштија организаторите, хуманитарните организации „Кумство“ и „Словенски радио“.

Познатите црвени патики од американскиот бренд Најк, најдобриот млад кошаркар на Европа ги носеше на сите натпревари на Евробаскет, како и во финалето со Србија, се до моментот кога се повреди.