Папата Франциско нема да ја откаже посетата на Египет

Папата Франциско нема да ја откаже планираната посета на Египет кон крајот на месецот по вчерашните напади врз коптските цркви во Танта и во Александрија при што загинаа повеќе од 40 луѓе, изјави заменик-секретарот на Ватикан, Џовани Анџело Бечу.

Тој посочи дека папата досега посетил опасни региони, а египетските власти го уверија дека се преземени неопходните безбедносни мерки.

Посетата на папата Францико во Египет е на покана на претседателот Абдел Фатах ал Сиси и епископите на Католичката црква, коптскиот патријарх Тавадрос Втори и на Врховниот имам на Универзитетот Ал Азхар, шеик Ахемд ал Тајбет.

Папата Франциско предвидено е да го посети Египет на 28 и 29 април.