Панама ги прекина дипломатските односи со Тајван, и воспостави со Кина

Панама и Кина официјално воспоставија диломатски односи, изјави синоќа во телевизиско обраќање панамскиот претседател, Хуан Карлос Варела. 

Тој нагласи дека Панама веќе признава дека има само една Кина, дека Тајван е неделив дел од нејзината територија и ги прекина дипломатските односи со Тајван. 

Тој чекор е победа за Кина во регионот на Централна Америка, кој има силни дипломатски односи со Тајван.

Кина е вториот по големина клиент на Панамскиот Канал и водечки доставувач на стоки за слободната трговска зона во карипскиот град Колон.