Пакистанскиот Врховен суд го испитува потеклото на имотот на премиерот Шариф
Пакистанскиот Врховен суд започна постапка за испитување на потеклото на парите и богатството на премиерот Навиз Шараф, откако опозицијата и медиумите го обвинија за корупција и бараат од него да открие како го стекнал имотот.
Судската постапка доаѓа откако истражните власти објавија дека семејството на Шараф не го открива изворот на парите со кои располага и потеклото на имотот што го има купено.
Истрагата започна по објавувањето на „Панамските документи“, од кои се дозна дека децата на премиерот биле поврзани со оф-шор компанија кога ги купувале становите во Лондон.
По тоа откритие во пакистанската јавност се појавија обвинувања дека станува збор за компанија која се користи за „перење на пари“ за да се сокрие изворот на средствата.
Шараф ги демантира ваквите обвинувања, објаснувајќи дека становите во британскиот главен град се „легално купени“ и дека тој лично не располага со ниту еден од нив.
Тој ги обвинува опозицијата и медиумите, но и целата досегашна истрага дека сите обвинувања против него се „политички мотивирани“.
Опозицијата, пак, не верува во објаснувањата на премиерот и бара од него да поднесе оставка, затоа што, според неа, целото семејство ја користело позицијата на Шараф и политичкото влијание што тој го има за богатење на нечесен и нелегален начин.
Навиз Шараф засега одбива да се повлече од премиерската функција, но аналитичарите во Исламабад веруваат дека тоа ќе зависи од одлуката на Врховниот суд.
Полицијата денеска ги блокираше приодите кон зградата на Судот и постави бодликава жица, во обид да спречи евентуално насилство, обид за навлегување во зградата и судири на приврзениците и противниците на осомничениот премиер.
Ново на Сител
-
Израел категорично го отфрла извештајот на агенцијата поддржана од ОН, кој потврдува масовен глад во дел од Газа
-
Кац: Градот Газа може да биде уништен и портите на пеколот ќе се отворат над Хамас
-
80-годишник дошол на преглед во болница, му се слошило и починал
-
Повредени две девојчиња на тротинет откако автомобил удрил во нив, сторителот избегал од местото на настанот
-
Две малолетнички починале откако со четирицикл излетле од патот во кичевски
-
ЦУК: Активни пожари во Прилеп и Долнени
-
Најсложена трансплантација на коска извршена на Клиниката за ортопедија
-
79-годишна тетовчанка измамена за 16.000 евра и 10.700 швајцарски франци