Отворена истрага за актуелен градоначалник

Основното јавно обвинителство за гонење на организиран криминал поведе истрага против градоначалник на општина и четири негови соработници. 

Како што соопштија, градоначалникот кој е првоосомничен и третоосоменичениот, како надзорен орган во општината, како соизвршители сториле продолжено кривично дело злоупотреба на службена положба и овластување при јавни набавки, а второосомничениот, како вистински сопственик на две правни лица и брат на првоосомничениот, сторил две продолжени кривични дела – поттикнување и перење пари и други приноси од казниво дело.

Четвртоосомничениот – сопственик и управител на сега избришано правно лице и овластен потписник на банкарските сметки на друг сега избришан правен субјект му се става на товар дека сторил продолжено кривично дело - помагање во врска со кривично дело перење пари додека петтоосомничениот – управител на правното лице чиј сопственик е второосомничениот, сторил злоупотреба на постапката за јавен повик, доделување на договор за јавнa набавкa или јавно-приватно партнерство.

Петте лица се сомничат дека делото го сториле во периодот од 2012 година до 2018 година, со што нанеле штета на општинскиот буџет.