Откриен идентитетот и на второто момче во трагедијата во близина на Количани

17 годишниот Адем В. од Студеничани е момчето чие тело заедно со телото на 28- годишниот Светислав Р. од Кичево беше пронајдено во автомобил марка ровер во близина на скопското село Количани.

Според досегашната истрага, таткото на малолетниот Адем пријавил во полиција дека на 29 – ти август , во саботата  исчезнал неговиот син.

На истиот ден исчезнал и кичевчанецот, а неговиот брат пријавил во полиција во понеделникот.

Нивните безживотни тела биле пронајдени од случаен минувач во атарот на скопското село Количани, а покрај нив имало и пиштол.

Станува збор за убиство и самоубиство, а истрагата допрва ќе ги утврдува мотивите.

Телата на Адем и на Светислав се предадени на обдукција.