Осумнаесет лица повредени во автобуска несреќа во Турција

Шестнаест странски туристи и двајца Турци се ранети во автобуска несреќа денеска во југозападна Турција, на патот Мугла-Денизли.

Портпаролката на руската Амбасада во Анкара, Ирина Касимова изјави дека повеќето од ранетите се Украинци, а не жители на Русија како што претходно беше соопштено. 

Ранетите се сместени во околната болница.

Автобусот патувал од Денизли за Мугла и бил управуван од турски возач. 

Во тек е истрага за причините за несреќата.