Свет
18. November 2019 - 12:09

Осуммина удавени во несреќа во Пакистан

Осум патници загинале, а неколкумина се сметаат за исчезнати кога мал дрвен чамец потонал во Пакистан поради преоптоварување.

Пакистанската полиција соопшти дека чамецот се наведнал на едната страна, се наполнил со вода и потонал во реката Сутлеј, во близина на градот Дибалпур.

Локалните медиуми соопштуваат дека повеќето од 35 патници, се враќале од еден погреб. Спасени се 10 патници и во тек е потрага по исчезнатите.

Ваквите несреќи се вообичаени во Пакистан, каде дрвени чамци често се користат за превоз на стока и луѓе, а повеќето немаат соодветни елеци за спасување.