Основан Македонско – швајцарски бизнис клуб
Зголемување на соработката и на трговската разена преку вмрежување компании, изградба и зајакнување на врски, како и заемна промоција, е целта на Македонско – швајцарски бизнис клуб формиран со поддршка на Амбасадата на Швајцарија и Сојузот на стопански комори на Македонија (ССК).
За претседател на Бизнис клубот е избранa Јасминка Талеска, директор на швајцарската компанија „Новартис“.
-Клубот се формира како резултат на детектираната потреба и потенцијал за зголемување на деловната соработка и на бројот швајцарски компании кои работат во нашата земја. Постои голем потенцијал за натамошно унапредување на можностите за соработка меѓу компаниите од двете земји. Целта на формирањето е пред се да ја зголемиме соработката. Обединувајќи ги компаниите кои се со швајцарски капитал и компаниите од Сојузот кои имаат интерес за соработка, веруваме дека ќе делуваме кон зголемување на трговската размена која според статистичките податоци минатата година изнесуваше 105 милиони евра, со остварен извоз од 40 милиони евра и увоз од 65 милиони евра, рече Арсовска по повод почетокот на работа на Бизнис клубот.
Заменик-амбасадорот на Швајцарија, Стефан Томаџан истакна дека Амбасадата ќе се залага во својот домен за јакнење на соработката меѓу двете земји, со особен акцент на зголемување на трговската и економска соработка.
-Ова е знак дека билатералните економски односи се добри. Убедени сме во потенцијалот за зголемена трговија и инвестиции меѓу нашите две држави. Во таа насока, новиот деловен клуб ќе има корисна улога, изјави Тoмаџан.
Претседателката на Бизнис клубот, Талеска гледа придобивки од интензивирањето на соработката во можноста нашиот пазар да биде цел за влез и работа на компаниите од Швајцарија од што, рече, бенефит ќе имаат двете страни.
Во моментов над 40 компании се со 100-процентен швајцарски капитал или дистрибуираат проиводи или услуги од Швајцарија на македонскиот пазар.
Ново на Сител
-
Телефонски разговор Ципрас-Заев: Ја истакнале важноста на почитувањето на Договорот од Преспа
-
Жената носи живот | Мери Амбросова | Личен развој | Sitel Podcast 036
-
„Паркови и зеленило“: Немаме склучено договор со Владата за одржување на дворот на владиниот објект
-
„Европскиот фронт“ обвинува за обид преку ДИК да му бидат одземени еден до два пратенички мандати
-
ДИК прифати приговор на коалицијата „Влен“ за избирачкото место во Желино
-
Претепан вработен во казино од три лица на кои им бил забранет влезот
-
На сила го внел во возило и му украл накит и 2.500 евра - Кривична пријава за 40 годишник од Скопје
-
Тепачка во ресторан во Драчево