Основачот на Фејсбук објасни зошто вовел “safety check” само за Париз

Основачот на Фејсбук Марк Цукерберг се најде на удар на јавноста откако ја воведе операцијата “safety check” за жителите и посетителите на Париз, но не и зa другите делови од светот кои беа мета на терористите.

Корисниците на Фејсбук се огорчени што “safety check”, опцијата која се активира само кога во прашање се природни катастрофи е активирана по нападите врз Париз, но не и а нападите во друготе делови од светот во кои секојдневно во терористички напади умираат невини луѓе.

-Вчера стотини недолжни луѓе загинаа во напад во Либан, 500 во Палестина, 200 во Јемен. Минатата година загинаа 400.000 луѓе во Сирија, пред пет години милион ипол луѓе во Ирак и никој не кажа ни збор, светот молчеше. Во денешниот напад во Париз загинаа 150 луѓе и светот полуде...Нела почиваат во мир сите невини кои загинаа во Париз и нека почиваат во мир сите невини кои никогаш не се споменати, напиша корисничката Мано Мускан.

Основачот на Фејсбук Марк Цукерберг рече дека луѓето со право го поставуваат тоа прашање и објасни дека опцијата “safety check’” била само за природни катастрофи, а дури во петокот е одлучено дека би требало да се користи за вакви трагедии.

-Ние се грижиме за луѓето подеднакво, напиша Цукерберг и ги повика корисниците подетално да прочитаат за опцијата “safety check’ на линкот  OVDE.

Корицниците Цукерберг го прозваа и за опцијата на боење на профилната фотографија со француските национални бои, барајќи од него таа опција да ја воведе за сите земји во кои луѓето гинат од тероризам.