Османи-Вуцас: Фокусот на новиот реформски план е самитот на ЕУ догодина
Перспективите за европската интеграција на Македонија беа главна тема на разговорите на вицепремиерот за европски прашања Бујар Османи со новоименуваниот австриски амбасадор Георг Вуцас.
Како што соопшти Секретаријатот за европски прашања, Османи го запозна Вуцас и со новиот реформски план, кој е предвидено да се имплементира до март идната година, во пресрет на европскиот самит на Унијата.
– Австрија повеќе пати ја има покажано поддршката за зачленувањето на Македонија во ЕУ, овде ќе потсетам пред сè на заложбите во текот на австриското претседателство со Унијата, како и силната поддршка на Берлинскиот процес, и секако, за нас можеби и најзначајно во овој период е австриската поддршка и придонес кон заедничкиот нон-пејпер за подобрување на процесот на проширување, истакна Османи.
На средбата се разговараше и за билатералните односи помеѓу двете земји во областа на европските интеграции за поддршка на земјава во текот на преговорите со ЕУ, при што е истакнато дека австриската поддршка е една од најдобро насочените и најдобро управуваните технички и финансиски поддршки кои ги добива Македонија, а беа разгледани и можностите за нејзино унапредување, особено во претстојниот период.
Ново на Сител
-
Обид за убиство на политичар во северно Косово, од партијата велат дека се вмешани Белград и Радоичиќ
-
Единаесетти парламентарни избори, се кандидирале 1002 мажи и 753 жени
-
Утре гласаат 11.123 болни и немоќни лица за претседателските и 11.225 за парламентарните избори
-
Владата утре ќе се задолжи со 39 милиони евра на домашниот пазар
-
Агенцијата на ОН за помош на Палестинците УНРВА одби да се евакуира од Рафа
-
Тешко повреден 74 годишен велосипедист во сообраќајна несреќа во Охрид
-
Значаен пад на цените на нафтата минатата недела
-
Триесет и три години од загинувањето на Сашко Гешовски од Кавадарци, прва жртва при распадот на Југославија