Османи: Платите на политичарите се мали, но треба бидат последни на листата за зголемување
Потребно е зголемување на платите на политичарите бидејќи се ниски, а тоа е важно прашање и во борбата против корупцијата и за привлекување поквалитетни кадри во политиката, но тие треба да бидат последните на листата на граѓани кои што треба да имаат зголемување на платите, смета шефот на дипломатијата Бујар Османи.
Според Османи, граѓаните со најниски примања, мора да имаат предност, прво тие да добијат зголемување, а на крајот и политичарите.
„Од практичен аспект секој политичар што ќе каже дека не му е битна платата не остава добра порака, бидејќи веројатно тогаш има други извори. Јас немам други извори за егзистенција освен оваа плата. Секој би сакал да има поголема плата. Но од етички аспект, политичарите треба да бидат последни на листата на граѓани кои треба да имаат зголемување на платите, откако на сите ќе им се зголемат тогаш и на политичарите”, изјави Османи.
Тој додаде дека за оваа одлука ќе се расправа на седница на Влада, каде тој ќе предложи сите да добијат зголемување на платата, но предност пред политичарите да имаат граѓаните со најниски примања.
Ново на Сител
-
Баро: Путин е пречка за мирот, потребни се нови санкции против Русија
-
Баерн подготвува емотивно збогување со ветеранот Милер
-
Путин и Трамп разменија честитки по повод 80-годишнината од победата над нацистичка Германија
-
Во Москва средба Вучиќ - Си Џинпинг
-
Бискупот Стојанов упати честитки до папата Лав Четиринаесетти
-
Потребна е итна санација на патот во Галичник
-
Затворени пет бензински пумпи во Солун и во Атина поради измами со гориво
-
В недела посебен режим на сообраќај во Скопје