Османи: Очекуваме поддршка од Унгарија за старт на преговорите
Вицепремиерот задолжен за економски прашања Бујар Османи денеска во Будимпешта се сретна со унгарскиот државен министер за европски работи, Саболч Такач, кој е претставник на Унгарија во Европската унија.
-Како земја имаме недвосмислена потврда за остварениот напредок и според политичките и според реформските критериуми, што со сигурност ќе се рефлектира и во содржината на претстојниот Извештај на Европската комисија, истакна Османи.
Тој изрази уверување дека Комисијата во својот извештај ќе посочи дека Република Северна Македонија и суштински е подготвена за почеток на преговорите со ЕУ.
-Континуираната поддршка од страна на Република Унгарија за европските интеграции на Република Северна Македонија, претставува важен елемент вграден во денешниот успех на нашата земја и како долгогодишни пријатели, ја очекуваме оваа поддршка и во пресрет на престојаните самити на ЕУ, истакна Османи.
Тој нагласи дека очекувањата и во Северна Македонија, но и во целиот регион на Западниот Балкан се дека на претстојните самити Европскиот совет ќе ја потврди одлуката од минатата година, за старт на преговорите со ЕУ.
Османи ја продолжува работната посета со средба со министерот за надворешни работи и трговија, Петер Сијарто, каде покрај европските интеграции на земјава, ќе бидат отворени темите и за билатералните односи, билатералната поддршка, како и севкупната соработка меѓу двете земји.
По Унгарија, Османи продолжува на работна посета на Хрватска, на средба со министерката за надворешни и европски прашања, Марија Пејчиновиќ Буриќ, а ќе оствари средба и со претседателот на Комисијата за европски прашања во хрватското собрание, Домагој Иван Милошевиќ.
Ново на Сител
-
Бојмацалиев: Над 603.000 патници на Меѓународниот аеродром Скопје, во првото тримесечје од 2024
-
Во ЗОО Скопје се роди двогрба камила
-
Тешко повреден малолетник во сообраќајка на патот Охрид-Ресен
-
Над 157.000 Грци се пријавиле за поштенско гласање на евроизборите
-
СПМ повикува на масовна излезност на 8 мај, за иднина и стабилност на државата
-
Уапсени и осудени двајца државјани на Македонија за внесување фалсификувани бланко документи во Грција
-
Александар Николовски од УКИМ избран за претседавач на Националното студентско тело
-
Русија: Убиени пет напаѓачи и двајца полицајци во Република Карачај-Черкезија