Османи: НВО секторот клучен во реформите од Планот 3-6-9
Дебата за мерките содржани во делот 6 и 9 од Планот 3-6-9 со претставници на невладиниот сектор се одржа денеска во организација на Секретаријатот за европски прашања.
Вицепремиерот задолжен за европски прашања Бујар Османи истакна дека принципот на инклузивност и транспарентност е еден од основните при подготовка имплементација и мониторирање на Планот.
- Невладиниот сектор има клучна улога во тој принцип на инклузивност и постигнување на национален, општествен, државен консензус во однос на реформите за нашите стратешки цели, европските и евтоатлантските интеграции, рече Османи.
Навладиниот сектор беше вклучен во делот на подготовката, имплементацијата и мониторирањето на делот 3 од Планот, а е вклучен и во целокупниот процес за останатите делови. Повеќе предлози и законски решенија содржани во стратегиите за реформите произлегле токму од невладиниот сектор. Тука е Законот за јавното обвинителство, односно улогата на Специјалното јавно обвинителство, Законот за капацитетите на Академијата за јавни обвинители и судии, како и некои измени во Кривичниот законик. НВО е вклучен и во реформите на безбедносните служби, како и во процесот на деполитизација на јавната администрација.
- НВО дава и супстанца и поттик на Планот 3-6-9 и цврсто сме убедени дека заеднички ќе направиме добар реформски план кој ќе биде прифатлив за сите и ќе ги даде вистинските решенија, рече Османи.
Тој повтори дека следните шест недели ќе ја определат судбината на следните шест месеци, а тие, пак, ќе ја одредат подолгорочната перспектива на европските и евроатлантските интеграции на земјата.
Планот за реформите Османи утре ќе го реферира пред амбасадорите на земјите членки на ЕУ, а потоа ќе почне и презентацијата пред сите институции.
- Мора да постигнеме национален консензус по ова прашање, нагласи вицепремиерот задолжен за европски прашања.
Ново на Сител
-
Израелската полиција изврши рација во Ал Џезира во Ерусалим, одзеде опрема
-
Костадиновска-Стојчевска: Македонскиот јазик е нашиот национален белег и најважниот симбол на културниот идентитет
-
Косовската полиција уапси 4-ца македонски државјани меѓу кои и кондовецот Агим Красниќи
-
Макрон го повика Нетанјаху успешно да ги заврши преговорите со Хамас
-
Димитровска: ДКСК оформи 45 предмети поврзани со изборите
-
14-годишна малолетничка од Петровец избегала од дома
-
Малолетник пријавен за насилство врз неговата мајка и брат
-
Бројот на загинати во поплавите во Кенија се искачи на 228