Орбан: Унгарија ја прогласи Антифа за терористичка организација

Унгарската влада на својата последна седница одлучи да ја прогласи Антифа за терористичка организација, изјави премиерот Виктор Орбан.

Орбан за јавниот сервис МТИ изјави дека владата ќе состави национален список на терористички организации и ќе преземе најстроги можни мерки против нив, нагласувајќи дека државата мора да биде лидер во обезбедувањето дека сите „пријавени криминални намери“ нема да останат неказнети.

Унгарскиот премиер оцени дека животот во Европа „се влошува“ и дека „околината се менува против нашата волја, поттикнувајќи агресија“, што влијае и на политичкиот дискурс, пренесува МТИ.

„Наскоро само централна Европа, и главно Унгарија, ќе се смета за остров на мирот“, рече Орбан и нагласи дека владата сака јасно да стави до знаење дека Унгарија сака да остане мирна и безбедна земја.

МИА