Општинската полиција во Солун патролира и апелира граѓаните да седат дома
Општинската полиција во Солун, во текот на вчерашниот ден на шеталиштето, а утрово во просторите за спортување на отворено, патролира, препорачувајќи им на граѓаните да останат дома, јави дописничката на МИА од Атина.
Според грчката новинска агенција АНА-МПА, утрово, општинските полицајци „поминале“ од просторите за спортување за кои не постои опција да се затворат.
-Сите отворени простори за спорт и забава што можат да се заклучат, се заклучени. За останатите простори и кога има информации дека има народ, во соработка со општинската полиција ги информираме да се тргнат за да се ограничи ширењето на вирусот”, вели за АНА- МПА Петрос Лекакис, заменик-градоначалник на Солун, надлежен за спорт, млади и волонтерство.
Во текот на вчерашниот ден пак, шеталиштето во Солун било полно со граѓани, па во попладневните часови, општинската полиција заедно со полицајци со мотори патролирале и апелирале до граѓаните да останат дома.
Од општината, за грчката новинска агенција, вчера рекле дека полицајците на мотори и полицајците од општината ќе продолжат со патролите колку што е потребно за да им препорачуваат на Солунчани да не излегуваат од дома.
Ново на Сител
-
Обид за кражба во простории на Општина Чаир каде се чувал изборен материјал
-
ДИК: Двојните избори утре ќе ги следат 1303 домашни и 860 странски набљудувачи, како и 83 странски новинари
-
Во општина Маврово-Ростуше гласаат 68 болни и изнемоштени лица
-
Малолетник прегазен во Велес, пренесен во скопските Клиники
-
Македонските државјани во Србија гласаат на вториот круг од претседателските избори во Македонската амбасада во Белгрaд
-
Лебот нема да поскапи следните два месеца, компаниите се жалат на проблеми со ликвидноста и со одлив на кадри
-
Поевтинуваат горивата, ова се новите цени
-
Граѓаните утре можат да пријавуваат повреда на избирачкото право на бесплатната телефонска линија 0800 54321