Општина Василево ќе ја доградува канализациската мрежа

Општина Василево ќе бара од Европската инвестициска банка 1,3 милиони денари за изградба на дел од канализациската мрежа во општинскиот центар. Одлуката за поднесување апликација до ЕИБ е донесена на последната седница на Советот на општината.

Во изминативе месеци општината работеше на подготвување на проектната документација, а советниците донесоа одлука за утврдување на приоритетен проект, кој треба да биде финансиран од Европската инвестициска банка.

Должината на кракот од канализационата мрежа кој треба да се догради изнесува 410 метри.