Општина Новаци прослави 20 години постоење
Општина Новаци денеска прослави 20 години од денот на формирањето.
Градоначалникот на општина Новаци Лазар Котевски посочи дека празнувањата почнаа со свечена приредба што ја изведоа учениците од ЦОУ „Славко Лумбарковски“, а локалната самоуправа приреди отворен ден за сите граѓани.
- Денеска го одбележуваме денот на општина Новаци и 20 години постоење. Според востановената традиција положивме цвеќе на гробот на бранителот Пеце Матичевски, кој е родум од Новаци, а загина во конфликтот во 2001 година. Исто така, имавме и свечена седница на Совет и доделување благодарници за оние кои донираа за време на поплавите, истакна Котевски.
На свечената седница на Советот пред советниците, општинската администрација и многубројните медиуми, Котевски во своето обраќање посебен акцент стави на развојот на општината и многубројните проекти реализирани во изминатите години, но и оние кои се планирани за следниот период.
Општина Новаци како единица на локалната самоуправа постои од 1996 година и е составена од трите поранешни општини Новаци, Бач и Старавина.
Ново на Сител
-
Дел од туристите пребирливи во своите барања на одмор
-
Преглед на вестите од светот
-
Тема на денот со Ивица Боцевски
-
„Шопен под отворено небо“ во Градскиот парк
-
ДИК ги усвои конечните резултати: Гордана Силјановска Давкова е новата претседателка на Македонија
-
ВМРО-ДПМНЕ ги почна преговорите со коалицијата „ВРЕДИ“
-
Состанок на Европскиот фронт на ДУИ
-
ДИК во понеделник ќе ги разгледува приговорите за парламентарните избори