Општина Маврово и Ростуше со над 32 милиона денари ќе ја подобрува инфраструктурата поврзана со туризмот
Градоначалникот на Општина Маврово и Ростуше, Медат Куртовски денеска потпиша договор за подгрант за инвестиции во сферата на инфраструктурата поврзана со туризмот.
-Градоначалникот Куртовски и дректорот на Националнот парк „ Маврово“, Самир Ајдини, аплицираа за проектот „Развој на туризмот во мавровската долина“ при што е добиен подгрант во износ од 32.080.623 денари од страна на Владата преку Меѓународната банка за обнова и развој. Ќе се реализира преку Единицата за спроведување на проектот (ЕСП) „Локална и регионална конкурентност“, информираа од општината.
Додаваат дека со проектот предвидена е реконструкција на стражарската куќа во близина на водопадот Дуф, поправка на дрвените мостови на патеките, како и реконструкција на пешачка патека во должина од еден километар.
-Исто така, предвидена е набавка на дрвени пултови за рекламен материјал од локални производители, набавка на дрвени пултови за производи и сувенири, поставување на детски играчки во просторот на инфо-центарот, набавка на корпи за отпадоци, клупи и столови за одмор, набавка на теренски возила за сафари турата, дообјаснуваат од општината.
Предвидено е и поставување на станица за изнајмување на електрични велосипеди, мобилна апликација за заштита на електричните велосипеди и нивно отклучување во склоп на велосипедската станица, набавка на 10 електрични велосипеди со ГПС(GPS) уреди, како и многу други содржини.
Општина Маврово и Ростуше и НП „Маврово“ за реализација на овој проект ќе кофинансираат 10 отсто од вкупните финансиски средства предвидени за реализација на проектот.
Ново на Сител
-
ЈОРСМ: Дадена наредба за обдукција на починатиот притвореник од Затвор Куманово
-
Адвокат почина во Граѓанскиот суд во Скопје
-
Повторно одложен судскиот процес за Пендиков
-
Тошковски во посета на оперативниот тим „Кафез“ и Регионалниот центар за гранични работи Север
-
Османи во Стразбур, на сесијата на Комитетот на Министри на Совет на Европа
-
На Фицо ќе му биде извршена уште една операција
-
Утре стабилизирање на времето, а од сабота повторно дожд и грмежи
-
Кривична пријава за три лица, лажно нуделе градежен материјал во Охрид и Струга