Општина Кочани објави јавен повик за изградба на спа-центар
Општина Кочани објави јавен повик за технички дијалог со заинтересирани компании, за реализиација на спа-центар кој ќе биде лоциран кај градскиот базен. Проектот неколку години се најавува како капитална инвестиција на општината за што е изготвена физибилити студија.
Откако Советот на општина Кочани даде согласност, се пристапи кон објавување јавен повик за заинтересирани компании за изградба на спа-центарот.
Според распишаниот јавен повик, проценетатта вредност на проектот изнесува 845 илјади евра, при што за користење на студената или пак на топлата геотермална вода, идниот инвеститор би требало да склучи дополнителен договор со КЈП „Водовод“.
Договорот ќе биде доделен за период од 30 години, а вкупната проценета вредност изнесува милион и 330 илјади евра без ДДВ, од кои капиталната инвестиција изнесува околу 845 илјади евра и инвестиција на закупувачот во летната дискотека Аква во износ од 488 илјади евра, што е утврдено од овластен проценувач.
Според физибилити студијата, минималниот износ на надоместокот што приватниот партнер би требало да и го плаќа на Општината изнесува најмалку 10 илјади евра годишно. Според договорот што би се склучил, тој има обврска да го изгради спа центарот за период од три години.
Ново на Сител
-
Во Скопје утре ќе се реализира авионска и терестрична дезинсекција против ларви од комарци
-
Трипуновски: Агенцијата за стокови резерви ќе набави 15 илјади тони пченица исклучиво од македонско производство
-
Голем пожар беснее во Измир
-
ЈСП Скопје: Приватните автобуси ќе возат согласно возниот ред, долгот ќе се сервисира според договореното
-
20.000 евра казна за сопственик на два папагали - Им ги пресекол крилата за да се сликаат со туристи на Халкидики
-
Обид за убиство во Струмица - Кривична за четири лица меѓу кои и малолетник
-
Директорка на државен ученички дом во Битола проневерила 202.500 денари
-
Починат работник донесен во Ургентниот центар во тетовската болница