Општина Чешиново Облешево подели 25 социјални пакети со храна на социјално загрозени семејства

По повод 17 март, Денот на формирање на Црвен крст и Денот на крводарителството во Република Македонија, во соработка со Општинската организација на Црвен крст - Кочани, Општина Чешиново-Облешево се вклучи во одбележувањето со неколку активности.

Градоначалникот Костадин Личков се сретна со делегација од крводарители и волонтери на Општинската организација на Црвен крст–Кочани, како и со повеќератни крводарители кои над 100 пати дарувале крв и спасиле живот, а кои потекнуваат од општина Чешиново Облешево.

Покажувајки ја својата хуманост на дело, општината организираше хуманитарна акција, односно обезбеди и подели 25 социјални пакети со храна на социјално загрозени семејства од повеке населени места во општината.

Со овој хуман гест се подигнува и јавната свест за грижа кон оваа група на граѓани. Општина Чешиново-Облешево и натаму ќе организира акции за помош и ќе им излегува во пресрет на овие семејства кои имаат потреба од помош.